KAILAN KAYA?
Nalalapit
na naman ang eleksyon, ibig sabihin ay maglilipana na naman ang naglalakihan
streamer sa paligid na nanghihikayat na sila’y iboto tungo sa pinapangarap na
kaunlaran, kung makabago ka naman ay hindi mo
na kailangang magbigay ng tarheta sa mga botante, simpleng plastic lang
na may lamang bigas at de lata na tila ba nagmistulang may bagyo, samahan mo pa
ng tatlong daan ay siguradong may isang boto ka na.
Ngayong nalalapit na eleksyon ay makakaboto na
ako, napapaisip ako tuloy kung anong uri ng kandidato ang aking iboboto,
napapatanong na lang ako kung sa panahon ngayon meron pa bang pulitiko na tapat
sa kanyang serbisyo na hindi na kailangan ng kickback sa bawat proyektong
gagawin niya. Kailan kaya darating ang araw na hindi magsusulputan ang paggawa
ng mga kalsada sa nalalapit na eleksyon, kalian kaya hihinto ang political
dynasty sa bansa?, kalian kaya titigil ang mga pulitiko na magpalipat –lipat ng
grupo sa eleksyon?, kailan kaya tayo pupunta sa tinatawag na tuwid na daan?
Sana masagot ang aking mga
katanungan, hindi naman kailangan na magsiraaan pa tayo, iisa lang naman kasi an
gating mithiin, ang matamo ang kaginhawaan, kaya sana ay maging magandang
ehemplo ang mga nakatataas na tao tungo sa kaayusan, dahil kung sarili nila ay
hindi na nilamatuwid, paano pa kaya sa kanilang pamumunuan?
Walang komento:
Mag-post ng isang Komento